Christmas Biazai: VAWR

VAWR
Christmas Biazai

Uk Ling


Ka ngai hlei ce, kan lai khuazung
Christmas ramriah , rual hawi mi he
Siangcung meithal, i khinh cio le
Thingtha cuntang, vah siar mar kha

Ka ngai hlei ce, leng no mi he
Christmas cam lai, ti ngahring dawi
Talrang khan le, Lungdum lio caan
Ka philh hnga maw, ka chan chung ah

Ka ngai hlei ce, rualhawi mi he
Christmas caan i, Biakinn tamh le
Parhluaino khiah, ribon thlai lio
Ruah ah mithli, rial bang zur tawn

Ka ngai hlei ce, lairam len lio
Christmas caan sung, nubik cem nih
Kan paam chuanrawl, vun timh caan le
Pabik thlacam, "Amen" ti kha

Ka ngai hlei ce, len lio caan sung
Christmas zanvah, Innkip ttawl kha
Ngeihtin chuah hna, krih chuahcam ca
Philh kawh si lo, christmas caan sung

Siseh Mathai, thawngtha biasung
Vun kau zawnah, Emmanuel Pathian
Cungnung bik Bawi , kan sin um ca'h
Lairam zuun ngeih, tuarnem ter khun e


"Biafang/Biathluan pali komh Biazai"
A cung lei Christmas Biazai vial te hi Laihla (Thingparsang aw in) sak khawh dih an si.
laiforum ca reltu nan dihlak cungah Christmas lawmhnak le deihnak tlung ko seh tibuin.......!

Rili Mui Cung Hraamnak Aw
Laiborek

Hnu-hmai zoh lo
Cung Varaang lawng
Banh timh ruang le
Mah lawng hmu in
Kai hnemh theonak
Hrai sen ruangah
Khuaza ruat in
Tlaang-kam ngei lo
Rili nak chung
Ka phan cang ai.

Nimthla nih lek
Khuari nih awn
Teek nih tla
Ka lawng nih pem,
Zahfung nih kiak
Pil tim ai cang.

Taang kau bu he
Sining um-ek
Cuang lei chaan in
Ka `ahnak hla
Aw chuak loin
Ka sa cang e.

Cung van zoh in,
Khuari thawng le
Teek thawng hluan in
Ka hraamnaak aw
Varaang te sin
Va tlirh sehlaw
Ka thla thing in
Ka chuah lai hi,
Ka hngak hram seh!
Kan zuang Ti lai

Pathian Kan hnem law

John Ceu Cung Nung Caah

Bawitlung Mangling

Thlamawt zan uihrut seh ttih ah

rumhlum chuahtaak in maw

Lam ttim-ah darbang nankuai cu

nichuah nitlaak chaklei thlanglei

miphun hawi nih apoi kanti

Len pi hawi le nan mi phun nih

hring tu nu pa zadawmh lo ii

ro bia kaa khat chim manh lo in

nan chan ttim ah dar bang nan kuai

kan ti len ee nan van chiat cu

nan thawng chimthli nih khuaza culpi

semnak lungrawn kanrunhlum tiang in

lenpi khuktthi rual hawi hna le

nancawi hrinhniang nan thaisung hnacu

zeibang hnamaw mitthli rialti bang zur hna

kaan tahchunh hna kaittial va bang

ramhraang kal in fano cawmkhi

bu leng lawnh lo nan hrinhniang rualnih

anin hlamhna kamitthlam ah

rizungmual liamcia vanduai hnaaw

kancung mangbawi kan biaktti nak

lungrawn khuazung le maw biakrun sangnih

cinghna lai mu nanzun thlaam cuee

tontthan nak tu umhraam ko seh

kan ruahchanmi kanbiak Pathian sinah

vanduai hnaaw chanttim hlaan ii

darbang nankuai tuancu

nanliam lungherh ttheulai

ramlian lawnhle chungkhar tlinghe

tonlai nilen nannawl vekha

lungkil nanruat nanlen hawidawt

kumtin liam in hnemkho hnalai thlamaw

nan ii dawhnak naniang ai ciote kha

maw Pathian kanhnem law nadawt Lai miphun hi

Tlei Acu lo

TLEI A CU LO

John Ceu Cung Nung

Lai pasal tha, ka'm lo va'lpa

Zei hen na ton, bihzuun lio ah

Dar bang na kuai.

Zingnu khuakhan, theihthiam a har

A tuantuk rih, nang caah cun

Na rian hmaba'k, na lungthlitum

Tuah ding a tam.

Phuntung khotu, nangmah bantuk

Seino vaal tha, kan miphun nih

A herh lio ah, na liam tuan maw

A poituk ee.

Na biar na phoih, feipar na hoih

Nunnak na thap, miphun caah

Na tuahsernak, taar in um seh

Zohchunh awk in.

Siseh liam sia, rak herh ti hlah

Na sempi hawi, vaal ttha rual nih

Kan pehzulh lai, teinak co tiang

Lungrual te-in.

Van T. Cung

Maryland, USA

Your Voice still alive

Salai Z T Lian

His voice for freedom is still melodious

Though the person said goodbye to the World

This man is Salai John Ceu Cung Nung.

Oh, my Dear John…you have done many graceful things

And lived meaningfully during your time

Was it the purpose of your life?

As your poem, the dogs still dare not scream

And every body still lives in fear

So your voice for freedom keeps ringing.

Your voice for democracy

On Yangon’s streets still flourishing

Like Irrawaddy River.

Till the Chinland claims unity

And the Burma needed to change

Your voice of unity and change remain.

(This poem is dedicated to Salai John Ceu Cung Nung who passed away on 28/8/2009 in Malaysia)

Sianlo Laipasaltha John

Sianlo Lai Pasaltha John

Beizasa

Ziah University na kai liote in pei

thil hmanlo/ adinglo mi cu ka nunnak a dih tiang ka doh lai na ti tawn kha.

Na cawnmi le na theih mi

fimthiamnak hmang in

laipasal ka dir vekvek na ti i ,

hriamnam ai tleihmi Khuachia cozah(Kawl cozah )

hmanh pei na dih hnawh ngam khah.

Ziah kawlralkap nih kha tlun an in tuk an i vuak

an in denan hmanhpei a fak lo mahte hna cu na ti men ko kha.

Na nunnak himnak ding caah

Malaysai ah na ra rau kan ti lio ah

nunnak liamtuannak ding ca tuah arak si mu.

Ziah John

Motorcar accitdent TUKTAk nih cun

na nunnak an la kho ding ah cun kan rel tung lo.

Khuaingal le ngalhriang ral hmanh a do ngam mi

kan LAI pasal thatuk pei na si kha.

Kan in sain g hrirmhirm lo JOHN .

Lungduhbai le si hreihnak bai teh na ca tamanh hna maw?

Kan in hlam riangmang ko lai ,

"ram le mi phun caah na nun nak na pek" ti tu in

Vai lungsak ko ning law ,ka um nak in rak i hnem ko ning mu.

May your soul rest in peace

"There is no sorrow in haven"

Ka nin hlam tuk ee

Ka nin hlam tuk ee

Salai Biak Lian Sang

Chokhlei, ziah na par a dawh saling ah na ttil?

Vakok, ziah na ianghlei khun lio ah na ciam?

Khuazing, ziah kan miphun arfi pakhat na kan lak piak?

Ceuaa, ziah tihin maw na kan kaltak ko…

Nain ka kawi,

Khi varal ah na kal chung tu a si

Panh sirsiar tein na kan don lai ti ka theih,

Ttah mithlitlaknak umlonak hmun,

Retheih ngeihchiatnak umlonak,

Aw….Vawleicung hnahchuahnak um ti lonak

Cun… Ral a um tilonak ah pei na kal tak cu..

Khuazing biakam a um bang..

Salai..

Na neh zunthing a thar than lai

Na miphun dawtnak thinlung athi lo

Na kutneh zun, na biatlang pawl an nung ko

Peggu Club lakphak dawr,

Inya tikulh kam le

Na tlawn lennak Dagon Sianghleirun inn hna..

Ti ngahring na dawinak Tio tiva,

Thantlang lahva,

Bual rawn hna le

Laitlang farkung dawh hna tiang..

Na zun an tuar

Ka nin hlam tuk e..

Sian lonak aan

"Sian lonak aan"

HC Peng Lian Mang

Zeiruang ahhen Chanttim hlan ah,

Dar bang zur cu karuat hrimlo

lungkil hmanh in kikzil leidai liamding cun

'John'

Miphun le ram dirkamh ding le

ruh tiang ttamtu Kawl uico rual

Doh tthan ding le khur thlak ding in

lethlah pasal na kawltung, fekchin sih sih kan zattial

kanrak ti ttung ;..... John.....

*TTian kun lai maw tichum bang in

Saltang kanmi phun le ramca

narak kantiam nalung thlitum,,.

Hmanhseh naliam siaherh hlahmu

Nalo hmaban miphun rian cu

Catlo peh in teinak hmuhtiang

ngawllo peh ding timhcia kansi

Nattuan hawi nih.

Salai Jonh sianlonak le upat peknak ah

CESU(Chin Exiled Student Union)

Malaysia

Salai Hc Peng Lyan Mang (secretary CESU)

TAWH HAR SEN RI

TAWH HAR SEN RI
(Khuahlun Tlangval)
Mit sir ka ven, mui sung iang ngei
ka tah chunh tawn, thu ro mit mu tial dawh he
na aan thlum nih, khuai hli ti hluan
duh cuang tha hlei, si ai hrim ka dawt

A ho hmuh lo, thin lung kil le
ka lung mawl in, ka hlau tawn kaw
zoh cim lo in naa dawh ka dawt aw
nang rei pawng thut, awi lo in

Kan tian thli bia, zung zal hmun seh
nang he ruun khat, dawng lo leng sih
ka ti lio ah, maw khua le caan
zil thli tho in, chim thli rung hrang

Ngun hri tenh mi, sui hlawn thil dawh
a liam ai maw, ka sian lo cu

hmai khuh dum dang, puan zar phen na belphilh um lai lo, ka chan chung ah
Sen ri par dawh, thing par sang cung entawh har bik maw, san tlai lo ca'h...

Foot Prints

I am not walking upon the cloud

I am not walking upon the sea

I am just walking upon the dirt

            But I can not see my foot prints