(01)Tarpa le Siangpahrang

Tarpa Pakhat le Siangpahrang 

by

Peter Biak

Tawhrolh tawkatte 

Angki a pawl mite

Ka khebe a hmul

Ka sam  a par

ka dertuk i ka ruh a lang..

Cerlian chuah caan 

zing dai ah cun

Ka zal chia ka bei

Kedenh ka ngei lo

Lam kam ah ka to ko

Tlawmpal ah cun

Zanmang ko  a lo

Sui cawleng pi a ra

Siangpahrang pakhat

A sal hna he, ralkap hna he

Ka pawng ah cun an dir

A tleu in tleu kaw

Ka zoh kho lo

"Tar pa...ka zoh" a ti

A kut cu a vun samh ko

"Na ngeih mi vun ka pe" a ti

Maw Khuazing!!..

Siangpahrang bawi nih

Kei bang tarchia thil hal ngai cu

Ka lu ka kheuh

Kazal chia cu ka dah i

A tawne ah facang mu pakhat ka hmuh

Heh tiah ka pek..

Lawm ngai in facang mu cu aalak i

An ttin...

Cerlian zawng a liam

Zuva hna zawng an ttian

Kei zawng ka ba cang

Tlun kai thawh

Ka zal cu ka vun dah

Ni hin cu zei hmanh ka hmu lo

Ka lung a dong

Ka thlam ka vun phanh cun

Ka zal cu ka vun dah..

Ee..law..zei hme..

Ka vun thlir i ka zoh

Sui facang mu pakhat ka hmuh

Aize law..ka thin hi

Ziah hme ka ngeih mi paoh ka rak pek hnga lo

Ka ti..ka khup ka bil i 

ka chirtuk hring hran

(Tagor Biazai a remnak in ka vun ttial tthan)